«ГҮЛДЕР» шағын орталығының консультациялық пунктінде, «Павлов жалпы білім беретін мектебі» КММ жанында ата-аналарға арналған «Балаңыз балабақшаға барады» тақырыбында консультация өткізілді.
Кездесу барысында ата-аналарға баланың балабақша жағдайына сәтті бейімделуі бойынша ұсыныстар берілді. Күн тәртібін сақтау, өзіне-өзі қызмет ету дағдыларын дамыту, құрдастарымен қарым-қатынас жасау және баланы өмірінің жаңа кезеңіне эмоционалдық тұрғыдан дайындау мәселелері қарастырылды. Консультациялық пункт мамандары бейімделу кезеңінде отбасыдағы қолдау, тыныш әрі жайлы атмосфера және ата-аналардың жағымды көңіл күйінің маңыздылығы туралы айтып өтті.
Консультацияның мақсаты - баланы балабақшаға қабылдауға дайындау кезеңінде ата-аналарға психологиялық-педагогикалық қолдау көрсету, балалардың мектепке дейінгі ұйымға сәтті бейімделуіне жағдай жасау және ата-аналардың бала тәрбиесі мен дамуы үдерісіндегі сенімділігін қалыптастыру.
